സ്‌മൃതിതൻ സൂചിഞാൻ പിറകോട്ടുനീക്കുമ്പോൾ സ്മരണയൊ, രുപസ്ത്യനിൽ ചെന്നുനില്പ്പൂ നാഥനില്ലാകേഴു, മീഭാരതമുസൽമാനെ സ- നാഥരാക്കിതീർത്തൊരുപൂമാന്‍
വിഹാരശയ്യാസനഭോജനം മാത്രമായി വിഹരിച്ചകാലം പ്രമാണിമാർ സഹസ്സാൽ ക്ലേശകാഷ്ഠിൻതമസ്സകറ്റാൻ സഹസാ പ്രയത്നി, ച്ചൊരുമഹീഷി
ഇരവില്‍ദൈവധ്യാനമഗ്നനായി കഴി- ഞ്ഞി, രുപാദങ്ങളിൽ നീർകെട്ടിനാൽ നൊമ്പരസൃഷ്ടദിനങ്ങളിൽപോലും വമ്പനായി ഗമിച്ചുയീ, യുമ്മത്തിനായ്
കനകസിംഹാസനത്തിലേറ്റിടാമെന്ന വാഗ്- ദാനപ്പെരുമഴ കൊണ്ടിടാതെ ആലസ്യകരിമ്പട, മ്മൂടിനിദ്രയിലാണ്ടിടും മാലോകരെയുണർത്തി ഗമി, ച്ചമ്മഹാൻ
നാട്യചേഷ്ടാതിമുക്തമാ,യാവാഗ്ദോരണി നട്ടല്ലോ ചേതോഗത, മ്മർത്യഹൃത്തിൽ ഗരിമയും എളിമയുമൊപ്പത്തിനൊപ്പ- മൊരുമിച്ചുചേർന്നൊരു മുഖപ്രസാദം
ഹസ്താക്ഷരം തീർത്തിടാനായി വായ്പകൊണ്ടാ മസിപഥൻകാളികത്തിനു പകരമായി കൈപ്പണംനീട്ടിഋണമസ്തിചുരുക്കിടാൻ കൊ- തീപൂണ്ടൊരു പുണ്യപൂജ്യൻ
വിഭജനം തീർത്ത ആർത്തനാദമുഖരിത- മാഭാരതത്തിൽ ജോനകർ- ക്കഭയമൊരുക്കാൻ ഗരിഷ്ഠകർത്തവ്യഭാ- ണ്ഡഭാരം വഹിച്ചുഗമിച്ചവർ
സ്രഷ്ടാവിനാജ്ഞകൾ മാനിച്ചൊരാത്മാവിന് ശിഷ്ടത്വം വര്‍ണിപ്പാനാ, രീയെളിയവൻ? മഹാവേശാല്‍പ്പലതുമുരുവിട്ടുപോയിഞാൻ മഹാനുഭാവാ, പൊറുത്താലു, മീസാഹസം
コメント